Explorar los documents (1 total)

Dins lo quadre de las manifestacions de l'Euro de fotbòl a Tolosa, la Joventut Mondina propausa als partisans de contenguts en occitan. Aital, la nòva exposicion del CIRDÒC Mai viste, mai naut, mai fòrt sul patrimòni esportiu occitan es visibla del 01/07 al 10/07 a l'Ostal d'Occitània (11, carrièra Malcousinat - 31000 Toulouse).

Portaires a l'encòp de tradicion e de modernitat, impregnats de la lenga e de la cultura occitanas que contribuisson a faire viure, los espòrts tradicionals regionals constituisson un element fòrt del nòstre patrimòni.
Petanca, ajustas, tambornet, rems tradicionals, vela latina, corsas camarguesas, quilhas de uèit e de nòu, corsa landesa o encara palet gascon, son uèi plenament ancorats dins las practicas esportivas contemporanèas, que sián practicats per lo léser o la competicion.
En retraçant l'istòria e la practica actuala de cadun d'aquestes espòrts, aquela exposicion vos convida a descobrir la diversitat de las culturas esportivas de nòstra region e a participar a lor desvolopament e transmission a las generacions futuras.

Munissètz-vos de vòstras tauletas e telefonets : interactiva, aquela exposicion vos permet gràcias a de QR còdis d'accedir en linha a de collectatges sonòrs, vidèos, articles enciclopedics o encara comentaris esportius en occitan.